Բնակարան գնելիս միֆեր հաճախ կարելի է լսել անշարժ գույքի շուկայում։ Դրանք սովորաբար ներկայացվում են որպես բնակարանի մեծ առավելություններ, բայց իրականում որոշ դեպքերում կարող են թաքցնել խնդիրներ, որոնց մասին գնորդը պետք է իմանա մինչև գործարքը կնքելը։
Երբ մարդը որոշում է բնակարան գնել, բնական է, որ ցանկանում է հնարավորինս լավ տարբերակ գտնել։ Այդ ընթացքում նա կարող է լսել վաճառողից կամ միջնորդից տարբեր արտահայտություններ՝ «ավելացված տարածք ունի», «կենտրոնից ընդամենը մի քանի րոպե է», «այս հատվածը շատ պահանջված է» և այլն։ Սակայն նման արտահայտություններին պետք է ոչ թե պարզապես հավատալ, այլ ստուգել։ Բնակարան գնելիս միֆերը հատկապես հեշտ է շփոթել իրական առավելությունների հետ, երբ որոշումը կայացվում է առաջին տպավորության հիման վրա։
Իմ կարծիքով, բնակարան գնելիս ամենակարևոր կանոնը սա է․ վաճառողի ասած առավելությունը պետք է վերածել կոնկրետ փաստի և ստուգել փաստաթղթերով, չափումներով կամ իրական պայմաններով։ Օրինակ՝ եթե խոսվում է լրացուցիչ տարածքի մասին, պետք է պարզել՝ արդյոք այն օրինական ձևակերպված է, իսկ եթե նշվում է հարմար դիրքի մասին՝ արժե անձամբ ուսումնասիրել շրջակայքը։
Այսպիսի մոտեցումը կօգնի խուսափել սխալ որոշումներից, ավելի իրատեսորեն գնահատել բնակարանի արժեքը և հասկանալ՝ վաճառողի ներկայացրած առավելություններից որոնք են իսկապես կարևոր ձեզ համար։
Բնակարան գնելիս ամենատարածված միֆերը
Անշարժ գույքի շուկայում կան մի քանի արտահայտություններ, որոնք հաճախ օգտագործվում են բնակարանը ավելի գրավիչ ներկայացնելու համար։ Դրանցից ոչ բոլորն են անպայման կեղծ, սակայն խնդիրը սկսվում է այն ժամանակ, երբ գնորդը դրանք ընդունում է որպես փաստ՝ առանց ստուգելու։
Հատկապես բնակարան գնելիս միֆերը կարող են ազդեցություն ունենալ այն գնորդների վրա, ովքեր առաջին անգամ են գործարք կատարում և դեռ լավ չեն կողմնորոշվում անշարժ գույքի շուկայում։ Որոշ արտահայտություններ կարող են իրական առավելություն լինել, իսկ որոշները՝ պարզապես վաճառքի ավելի գրավիչ ձևակերպում։
Եկեք դիտարկենք մի քանի տարածված օրինակ և հասկանանք, թե ինչի վրա է պետք ուշադրություն դարձնել բնակարան գնելիս, որպեսզի գեղեցիկ ներկայացված առավելությունը հետագայում չվերածվի խնդրի։
Միֆ №1․ «Բնակարանն ունի ավելացված տարածք»
«Այս բնակարանն ունի ավելացված տարածք» արտահայտությունը առաջին հայացքից կարող է շատ գրավիչ թվալ։ Գնորդը կարող է մտածել, որ նույն գնով ստանում է ավելի մեծ բնակելի տարածք։ Սակայն այստեղ պետք է մի փոքր կանգ առնել և պարզել՝ այդ տարածքը իրականում ինչ կարգավիճակ ունի։
Եթե բնակարանի մի հատվածը կառուցվել կամ փոփոխվել է առանց համապատասխան թույլտվության կամ չի արտացոլվում պաշտոնական փաստաթղթերում, ապա այն պարզապես որպես լրացուցիչ քառակուսի մետր ընկալելը կարող է սխալ լինել։ Գնորդը կարող է վճարել այդ տարածքի համար, բայց հետագայում բախվել դրա գրանցման, օրինականացման կամ վաճառքի հետ կապված խնդիրների։
Օրինակ՝ պատկերացրեք հինգհարկանի շենք, որտեղ տարիների ընթացքում մի քանի բնակարաններում պատշգամբներ կամ այլ հատվածներ փակվել և վերակառուցվել են։ Առաջին հայացքից դա կարող է պարզապես լրացուցիչ տարածք թվալ, բայց իրականում անհրաժեշտ է հասկանալ, թե ինչպես է այդ փոփոխությունն իրականացվել և արդյոք այն համապատասխանում է շենքի փաստաթղթերին ու գործող պահանջներին։
Այդ պատճառով «ավելացված տարածք» լսելիս ճիշտ հարցը ոչ թե «քանի՞ քառակուսի մետր է ավելացել», այլ՝ «այդ տարածքը պաշտոնապես գրանցվա՞ծ է և ինչ փաստաթղթերով է հաստատվում»։
Եթե պատասխանը հստակ չէ, այդ տարածքը պետք չէ ավտոմատ կերպով դիտարկել որպես բնակարանի լիարժեք առավելություն։
Միֆ №2․ «Հրապարակից ընդամենը X րոպե հեռավորության վրա է»
Բնակարան վաճառելիս «կենտրոնից ընդամենը 10 րոպե» կամ «հրապարակից X րոպե» արտահայտությունը կարող է շատ տպավորիչ հնչել։ Բայց այստեղ էլ պետք է հասկանալ՝ այդ րոպեները ինչպես են հաշվարկվել։
Մեքենայով 10 րոպեն և ոտքով 10 րոպեն նույնը չեն։ Բացի այդ, քաղաքի կենտրոնին մոտ լինելը դեռ չի նշանակում, որ տվյալ թաղամասը հարմար է առօրյա կյանքի համար։
Բնակարան ընտրելիս ես ավելի շատ ուշադրություն կդարձնեի այն հարցին, թե ինչ կա բնակարանի շուրջը։ Օրինակ՝ մոտակայքում կա՞ն խանութներ, սուպերմարկետներ, դպրոցներ, մանկապարտեզներ, դեղատներ, բժշկական կենտրոններ, կանաչ տարածքներ և հասարակական տրանսպորտ։ Կարևոր է նաև հասկանալ, թե որքան հարմար է այդ վայրից հասնել աշխատանքի կամ քաղաքի մյուս հատվածներ։
Այսինքն՝ կենտրոնին մոտ լինելը կարող է առավելություն լինել, բայց այն ինքնին չի որոշում բնակարանի իրական հարմարավետությունը։
Միֆ №3․ «Կանգառը շենքի դիմաց է կամ ընդամենը 100 մետր հեռավորության վրա»
«Կանգառը շենքի դիմաց է» կամ «ընդամենը 100 մետր է» արտահայտությունը բնակարան գնելիս միֆեր շարքում նույնպես կարող է հայտնվել, քանի որ միայն կանգառին մոտ լինելը դեռ չի նշանակում, որ բնակարանն իրականում լավ տրանսպորտային հասանելիություն ունի։
Այստեղ ավելի կարևոր է պարզել, թե քանի երթուղի է անցնում տվյալ կանգառով և ուր են դրանք հասնում։ Երբեմն կանգառը իսկապես կարող է գտնվել շենքից ընդամենը մի քանի քայլ հեռավորության վրա, բայց այնտեղից անցնում են ընդամենը մեկ կամ երկու երթուղի, որոնք քաղաքի միայն սահմանափակ հատվածների հետ են կապում տվյալ թաղամասը։
Օրինակ՝ եթե ձեզ անհրաժեշտ է ամեն օր հասնել քաղաքի մյուս ծայրը, բայց մոտակա կանգառից անցնող միակ երթուղին այդ ուղղությամբ չի գնում, ապա կանգառի մոտ գտնվելու առավելությունը գործնականում այնքան էլ մեծ չէ։ Հնարավոր է՝ ստիպված լինեք նախ մեկ տրանսպորտ նստել, հետո փոխել այն կամ երկար ճանապարհ քայլել։
Այդ պատճառով բնակարան գնելիս միֆեր տարբերակելիս տրանսպորտային հասանելիությունը գնահատեք ոչ միայն կանգառի հեռավորությամբ։ Ուսումնասիրեք երթուղիների քանակը, դրանց ուղղությունները, շարժման հաճախականությունը և այն, թե որքան հեշտ է տվյալ բնակարանից հասնել աշխատանքի, ուսման կամ քաղաքի կարևոր հատվածներ։
Այսինքն՝ «կանգառը շենքի դիմաց է» դեռևս չի նշանակում «բնակարանը լավ տրանսպորտային հասանելիություն ունի»։ Իրական առավելությունը որոշվում է ոչ թե կանգառի հեռավորությամբ, այլ այն հնարավորություններով, որոնք այդ կանգառը տալիս է ձեզ առօրյա կյանքում։
Ինչպես տարբերել իրական առավելությունը վաճառքի խոստումից
Բնակարան գնելիս միֆերի ազդեցության տակ չընկնելու համար կարևոր է վաճառողի յուրաքանչյուր կարևոր պնդում ստուգել։ Եթե խոսվում է լրացուցիչ տարածքի մասին, ուսումնասիրեք փաստաթղթերը, իսկ եթե ներկայացվում է թաղամասի հարմարավետությունը՝ այցելեք այն տարբեր ժամերի և ուշադրություն դարձրեք տրանսպորտին, աղմուկին, կայանմանը և ենթակառուցվածքներին։
Նույնը վերաբերում է բնակարանի վիճակին։ «Իդեալական վիճակում է» արտահայտությունը չպետք է գնահատել միայն վերանորոգմամբ․ արժե ուշադրություն դարձնել նաև հաղորդակցություններին, խողովակներին, էլեկտրականությանը և շենքի ընդհանուր վիճակին։
Միջազգային փորձն էլ ցույց է տալիս, որ բնակարան գնելիս պետք չէ հիմնվել միայն հայտարարության կամ առաջին տպավորության վրա։ ԱՄՆ-ի Consumer Financial Protection Bureau-ն խորհուրդ է տալիս նախապես գնահատել բյուջեն, ուսումնասիրել բնակարանը և անհրաժեշտության դեպքում կատարել անկախ inspection՝ հնարավոր խնդիրները ժամանակին հայտնաբերելու համար։
CFPB-ի «Buying a house» պաշտոնական ուղեցույցը կարող է օգտակար լինել բնակարան գնելու գործընթացի տարբեր փուլերը ավելի լավ հասկանալու համար։
Իմ կարծիքով, բնակարան գնելիս միֆերը տարբերելու լավագույն ձևը վաճառողի խոսքերը պարզապես չընդունելն է որպես փաստ, այլ հնարավորության դեպքում ստուգել դրանք փաստաթղթերով և իրական պայմաններով։
Ինչպես խուսափել բնակարան գնելիս տարածված միֆերից
Բնակարան գնելիս ամենակարևորն է չշտապել որոշում կայացնել միայն այն պատճառով, որ բնակարանը գեղեցիկ է, լավ տեղում է կամ վաճառողը ներկայացնում է մի քանի գրավիչ առավելություն։ Բնակարան գնելիս միֆեր հաճախ առաջանում են հենց այն ժամանակ, երբ վաճառքի խոստումները չեն համեմատվում իրական փաստերի հետ։
Առաջին հերթին ստուգեք բնակարանի իրավական փաստաթղթերը և համոզվեք, որ իրական վիճակը համապատասխանում է փաստաթղթերում ներկայացված տվյալներին։ Եթե կա ավելացված կամ վերափոխված տարածք, պարզեք դրա իրավական կարգավիճակը։
Հետո ուսումնասիրեք նաև շրջակա միջավայրը։ Լավ է նույն թաղամաս այցելել տարբեր ժամերի, որպեսզի հասկանաք՝ ինչպիսին է երթևեկությունը, աղմուկը, կայանման հնարավորությունը և առօրյա կյանքը։
Մի մոռացեք նաև շենքի ընդհանուր վիճակի մասին։ Նոր վերանորոգված բնակարանը դեռ չի նշանակում, որ ամբողջ շենքը լավ վիճակում է։ Ուշադրություն դարձրեք մուտքին, վերելակին, բակին, տանիքին, ընդհանուր տարածքներին և հնարավոր շինարարական խնդիրներին։
Վերջում ամենակարևոր խորհուրդը պարզ է․ մի գնեք այն, ինչ ձեզ պարզապես լավ են ներկայացրել, գնեք այն, ինչ կարողացել եք ստուգել։ Այդ մոտեցումը հատկապես կարևոր է, երբ խոսքը մեծ գումարի և երկարաժամկետ ֆինանսական որոշման մասին է։
Բնակարան գնելը միայն գեղեցիկ տարածք ընտրելը չէ։ Դա փաստաթղթերի, իրական վիճակի, շրջակա միջավայրի և գնի համադրություն է։ Բնակարան գնելիս միֆեր տարբերելու լավագույն միջոցը յուրաքանչյուր կարևոր պնդում ինքնուրույն ստուգելն է։ Որքան ավելի հանգիստ ու մանրամասն ուսումնասիրեք այս բոլոր կողմերը, այնքան ավելի քիչ հավանական է, որ վաճառքի ընթացքում լսած «առավելություններից» մեկը հետագայում վերածվի խնդրի։
Հաճախ տրվող հարցեր․ բնակարան գնելիս միֆեր
1. Որո՞նք են բնակարան գնելիս ամենատարածված միֆերը։
Տարածված օրինակներից են «բնակարանն ունի ավելացված տարածք», «կենտրոնից ընդամենը մի քանի րոպե է» կամ «այս բնակարանը հաստատ կթանկանա» արտահայտությունները։ Բնակարան գնելիս միֆեր կարող են թվալ նաև այն պնդումները, որոնք իրականում որոշակի հիմք ունեն, բայց ներկայացվում են չափազանցված ձևով։
2. Ինչպե՞ս հասկանալ՝ բնակարան գնելիս միֆի՞, թե՞ իրական առավելության հետ գործ ունենք։
Փորձեք վաճառողի յուրաքանչյուր կարևոր պնդում ստուգել փաստաթղթերով, չափումներով կամ սեփական դիտարկմամբ։ Հատկապես բնակարան գնելիս միֆեր տարբերելու համար պետք չէ հիմնվել միայն վաճառողի կամ միջնորդի խոսքի վրա։
3. Արդյո՞ք ավելացված տարածքը միշտ առավելություն է բնակարան գնելիս։
Ոչ։ Եթե այդ տարածքը պաշտոնապես գրանցված չէ կամ դրա օրինականության հետ կապված խնդիր կա, այն կարող է ապագայում լրացուցիչ դժվարություններ առաջացնել։ Այդ պատճառով բնակարան գնելիս կարևոր է հասկանալ ոչ միայն տարածքի չափը, այլև դրա իրավական կարգավիճակը։
4. Կենտրոնին մոտ լինելը բավարար առավելությո՞ւն է բնակարան գնելիս։
Ոչ միշտ։ Կենտրոնին մոտ գտնվելը կարող է կարևոր առավելություն լինել, սակայն պետք է հաշվի առնել նաև տրանսպորտը, խանութները, դպրոցները, կանաչ տարածքները, աղմուկը և այլ պայմաններ։ Բնակարան գնելիս միֆեր կարող են առաջանալ այն ժամանակ, երբ միայն հասցեն ընկալվում է որպես բնակարանի բոլոր առավելությունների երաշխիք։
5. Ինչպե՞ս խուսափել բնակարան գնելիս տարածված միֆերից։
Մի շտապեք որոշում կայացնել միայն վաճառողի ներկայացրած առավելությունների հիման վրա։ Ստուգեք փաստաթղթերը, ուսումնասիրեք շենքը և շրջակա տարածքը, համեմատեք նմանատիպ բնակարանների գները և անհրաժեշտության դեպքում դիմեք մասնագետի։
6. Արդյո՞ք վաճառողի ասած «հատուկ առավելությունը» կարող է ազդել բնակարանի գնի վրա։
Այո։ Եթե գնորդը որևէ պնդում ընդունում է որպես իրական առավելություն, կարող է պատրաստ լինել ավելի բարձր գին վճարել։ Այդ պատճառով բնակարան գնելիս միֆեր ճանաչելը կարևոր է նաև բնակարանի իրական արժեքը ճիշտ գնահատելու համար։
7. Ի՞նչն է ամենակարևորը ստուգել բնակարան գնելիս։
Առաջին հերթին՝ սեփականության և այլ իրավական փաստաթղթերը, բնակարանի փաստացի մակերեսը, վերափոխումների օրինականությունը, շենքի վիճակը և շրջակա ենթակառուցվածքները։ Այս ամենը միասին կօգնի բնակարան գնելիս միֆերը տարբերել իրական առավելություններից։
հետաքրքիր է նաև կարդալ հետևյալ հոդվածները
Բնակարան գնելիս ինչպես ընտրել բնակարանի դիրքը
Ինչպես գտնել վաճառքի բնակարան սեփականատիրոջից, առանց միջնորդ
Բնակարանների վաճառք․ ինչ պետք է իմանալ մինչև բնակարան գնելը
Նորակառույց բնակարաններ կառուցապատողից․ ինչպես ճիշտ ամրագրել բնակարան
