Ինչպես գտնել վաճառքի բնակարան սեփականատիրոջից, առանց միջնորդ

Երբ մարդը որոշում է գնել բնակարան, առաջին հերթին ընտրում է իրեն հարմար թաղամասը, բյուջեն և շենքի տեսակը։ Սակայն այս փուլում առաջանում է շատ կարևոր հարց․ ինչպես գտնել վաճառքի բնակարան սեփականատիրոջից, առանց միջնորդ։

Շատ գնորդներ հենց այս փուլում սխալվում են և դիմում են տարբեր միջնորդների։ Արդյունքում նրանք վճարում են բավական մեծ գումարներ՝ մտածելով, որ այդպես նվազեցնում են իրենց ռիսկերը։ Սակայն իրականում դա միշտ չէ, որ ճիշտ մոտեցում է։ Շատ դեպքերում հենց միջնորդների միջոցով գնորդները կարող են հայտնվել ոչ այնքան շահավետ գործարքների մեջ։

Եթե արդեն որոշել եք՝

որ թաղամասում եք ուզում գնել բնակարան

ինչ բյուջե ունեք

ինչ նախագիծ կամ շենք եք նախընտրում

առաջնային թե երկրորդային շուկա

ապա հաջորդ կարևոր քայլը պետք է լինի գտնել վաճառքի բնակարան սեփականատիրոջից, առանց միջնորդ։

Եկեք դիտարկենք, թե ինչպես կարելի է դա անել երկու տարբեր շուկաներում։

Առաջնային շուկան այն դեպքն է, երբ բնակարանը գտնվում է նորակառույց կամ դեռ կառուցվող շենքում։ Այս դեպքում բնակարանների վաճառքով հիմնականում զբաղվում են կառուցապատող ընկերությունները։

Այս շուկայում բնակարան վաճառողին գտնելը համեմատաբար ավելի հեշտ է, քանի որ.

վաճառքը կազմակերպում են ընկերությունները

գները սովորաբար ֆիքսված են

նույն բնակարանի գինը գրեթե նույնն է բոլոր կայքերում

Սակայն այստեղ նույնպես կա մի կարևոր նրբություն։

Շատ հաճախ կառուցապատողները այնքան ակտիվ չեն սոցիալական ցանցերում կամ գովազդում։ Այդ պատճառով մարդիկ հաճախ տեղեկանում են նոր նախագծերի մասին միջնորդ կազմակերպությունների միջոցով։

Եթե դուք արդեն հետաքրքրվել եք որևէ նախագծով, լավ տարբերակ է փորձել ուղղակի կապ հաստատել կառուցապատողի հետ։ Սա կարող է ձեզ մի քանի առավելություն տալ։

Օրինակ.

միջնորդները միշտ չէ, որ տեղեկացնում են բոլոր ակցիաների կամ զեղչերի մասին

երբեմն պաշտոնական գինը նույնն է բոլոր կայքերում, բայց իրականում կան թաքնված զեղչեր

երբ ընտրում եք կոնկրետ հարկ և բնակարան, կարող եք փորձել անմիջապես բանակցել կառուցապատողի հետ

Շատ դեպքերում կառուցապատողները պատրաստ են գնորդներին փոքր զեղչեր առաջարկել, իսկ միջնորդների հնարավորությունները այդ հարցում սահմանափակ են։

Այդ պատճառով առաջնային շուկայում բնակարան գնելիս միշտ փորձեք գտնել ուղղակի վաճառողին՝ կառուցապատող ընկերությանը։

Երկրորդային շուկան այն դեպքն է, երբ դուք ցանկանում եք գնել արդեն կառուցված շենքի պատրաստի բնակարան։

Այս շուկայում միջնորդների թիվը շատ ավելի մեծ է, և հաճախ նույն բնակարանը կարող են վաճառել նույնիսկ 10-ից ավելի միջնորդներ միաժամանակ։

Շատ մարդիկ մտածում են, թե միջնորդներն ունեն հատուկ աղբյուրներ, որտեղից գտնում են բնակարանները։ Սակայն իրականում դա հաճախ շատ պարզ է։

Հիմնական աղբյուրները սովորաբար լինում են.

Facebook-ի վաճառքի խմբերը

հայտարարությունների կայքերը

օրինակ List.am

Այս կայքերում հաճախ կարելի է օգտագործել ֆիլտր և ընտրել «սեփականատիրոջից» տարբերակը։

Այսինքն այն նույն մեթոդը, որով միջնորդները գտնում են բնակարանները, կարող է օգտագործել նաև գնորդը։

Եթե արդեն գտել եք բնակարան վաճառողից, շատ կարևոր է կատարել մի քանի ստուգում մինչև գործարքը։

Առաջին հերթին կարելի է օգտվել կադաստրի պաշտոնական կայքից՝
e-cadastre

Այստեղ կարելի է կատարել տեղեկատվության հարցում, որը արժե մոտ 300 դրամ։

Այս հարցման միջոցով կարելի է պարզել.

շենքը ունի՞ վթարային կարգ

որ թվականին է կառուցվել շենքը

բնակարանի իրական մակերեսը

իրավական այլ կարևոր տեղեկություններ

Այս տեղեկությունները շատ կարևոր են, քանի որ հաճախ ոչ բոլոր միջնորդներն են հայտնում ամբողջ տեղեկատվությունը գնորդին։

Բնակարան գնելու ժամանակ պետք է հիշել մեկ կարևոր կանոն։

❗ Գործարքից առաջ երբեք մի կատարեք որևէ վճարում առանց պաշտոնական ձևակերպման։

Բոլոր վճարումները պետք է կատարվեն միայն.

նոտարական պայմանագրով

իրավական գրանցմամբ

վաճառքի պաշտոնական փաստաթղթերով

Այս մոտեցումը կօգնի ձեզ խուսափել բազմաթիվ խնդիրներից և ապահովել ձեր գործարքի անվտանգությունը։

կարդացեք նաև

Բնակարան գնելիս ինչու է կարևոր ուշադրություն դարձնել հարևաններին

Բնակարան գնելիս ինչպես ընտրել բնակարանի դիրքը

Բնակարան ընտրելիս ինչպես գնահատել թաղամասի անվտանգությունը

Ինչպես հասկանալ բնակարանի գինը ռեալ է թե ոչ